اتصل بنا

علامات التمدد المزعجة

stretch-marks

علامات التمدد او الـ stretch marks ممكن تكسب الجسم شكل مش محبب، ومن الحاجات الى بتشغل بال كتير من السيدات والبنات.

بيختلف شكل علامات التمدد بشكل كبير اعتماداً على نوع الجلد وعلى مدة تواجدها فى الجسم، ممكن تكون متواجدة كشكل من الاشكال التالية

  • - خطوط أو حفر على شكل خطوط فى الجلد
  • - خطوط حمراء، بنفسجى، أسود
  • - خطوط لامعة بتطفى مع الوقت ويقل ظهورها
  • - خطوط فى البطن، الأرداف، الثدى
  • - خطوط بتغطى الجسم كله

علامات التمدد من الموضوعات التجميلية واللى وجودها فى الغالب مش مقلق الا فى حالات بسيطة ممكن يكون وراها مشكلة طبية، فخلونا نتعرف على أسبابها والعوامل اللى بتزود نسبة حدوثها:

  • فى الإناث أكتر
  • وجود تاريخ عائلى لوجود علامات التمدد "فى عامل جينى ووراثى أحياناً"
  • الحمل
  • الوزن الزائد والسمنة
  • زيادة الوزن بشكل سريع
  • تناول أدوية الكورتيزون
  • عمليات تكبير الثدى
  • مشكلات طبية مثلا الامراض اللى بيحدث فيها زيادة إفراز الكورتيزول فى الجسم أو أمراض جينية معينة زى المارفان

العلاج:

يمكن علامات التمدد تكون شئ مش لطيف بالنسبالك، لكن فى العام هى مش مشكلة مرضية أو لازم انك تعالجها؛ وفى الغالب بتختفى أو بتقل مع الوقت.
أساليب العلاج اللى هنذكرها هى طريقة لتقليل علامات التمدد لفترة من الوقت مش علطول.

  • الريتينويد:
    استخدام الكريمات المشتقة من فيتامين A واللى بتحتوى على الريتينويد.
    استخدام الكريمات المشتقة من فيتامين A واللى بتحتوى على الريتينويد.
    لأنه بيعمل على بناء الكولاجين فى الجلد واللى بيكسب الجلد مظهر أكثر طبيعية، لكن فى بعض المستحضرات ممكن تسبب تهيج بسيط للجلد.
    فى حالة الحمل يفضل الرجوع للطبيب لمناقشة الاختيارات المتاحة، لان الريتينويد كريم ممكن يكون عليه بعض التحفظات.

  • الليزر:
    والفكرة هنا بتعتمد على تحفيز الليزر على بناء الكولاجين والايلاستين فى الجلد.

  • Microdermabrasion:
    هو جهاز بيحمل باليد "صغير" بيرسل كريستالات تحت الجلد بتعمل على ازالة طبقة رقيقة جدا من الجلد عشان تسمح ببناء ونمو خلايا وأنسجة جديدة.
    فى اختيار خطط العلاج لازم يكون فى بالك كذا نقطة وتتناقش مع طبيبك فيهم:
    - مدة تواجدها فى الجلد
    - نوع الجلد
    - تكلفة العلاج اللى تقدر تتحملها
    - توقعاتك وتطلعاتك من نتائج العلاج
Image Ads

التعليقات

fff