اتصل بنا

الحضّانة وحديثي الولادة

nursery-and-newborns

ولادة طفل جديد .. ده شئ رائع وجميل، لكن بيصاحبه تغيرات كتيرة نفسية وجسدية للطفل وللأم.

بعد ماكان طفلك منسجم جوا الرحم وعايش حياته .. أكله وتنفسه والحماية والمناعة كلها من الام هيبدأ بعد الولادة يعتمد على نفسه وينفصل بشكل كامل.

  • ويبقى دلوقتى:
    - الرئة لازم تشتغل وتتنفس الهواء
    - تحصل تغيرات فى الدورة الدموية والرئوية
    - الجهاز الهضمى لازم يهضم الأكل بنفسه ويمتصه
    - الكلى تبدأ تشتغل وتظبط معادن الجسم وتخرج المواد الضارة
    - الكبد والمناعة يشتغلوا بشكل جيد ومنفصل


  • يمكن المرحلة دى مابيقدرش يعملها كل حديثى الولادة لأسباب مختلفة زى فى حالة الولادة مبكرة أو لوجود صعوبة فى الولادة وده اللى بيخليهم يدخلوا الحضّانة لفترات مختلفة.

    يعنى ايه حضّانة؟

    الحضّانة هى العناية المركزة للأطفال حديثى الولادة "NICU".

    مش كل مستشفيات الأطفال بتبقى فيها حضّانات وده لأن لها استعدادات وتجهيزات مختلفة. الحضّانات بتبقى فيها تقنيات وأجهزة حديثة وفريق طبى مدرب وكُفء.

    مين الأطفال اللى ممكن يحتاجوا حضّانات؟

    معظم الأطفال اللى بيحتاجوا حضّانات هما اللى بيتولدوا بدرى "قبل 37 اسبوع من الحمل" أو مولودين وزن قليل "أقل من 2.5 كجم" أو لحاجة طبية بسبب عيوب خلقية.

  • فى بعض العوامل اللى ممكن تزود احتمالية ان الطفل يدخل الحضّانة زى:

    - عوامل أثناء الحمل:
    1. سن الأم خلال الحمل "أقل من 16 أو أكبر من 40"
    2. تناول الكحوليات أو بعض الأدوية أثناء الحمل
    3. مرض السكرى
    4. ضغط الدم المرتفع
    5. النزيف خلال الحمل
    6. الأمراض التناسلية
    7. الحمل المتعدد "التوائم"
    8. 8. نزول مية الحمل فى وقت مبكر

    - عوامل أثناء عملية الولادة:
    1. نقص الأوكسجين أثناء الولادة
    2. استنشاق الجنين للسائل المحيط به فى الرحم أثناء الولادة "دخوله للرئة"
    3. التفاف الحبل السرى حول عنق الجنين

    - عوامل عند الطفل:
    1. الولادة المبكرة "أقل من 37 أسبوع حمل"
    2. وزن قليل أثناء الولادة "أقل من 2.5 كجم"
    3. حجمه ووزنه أقل من المتوقع من عمر الحمل "بيقاس بالسونار أثناء الحمل"
    4. صعوبة فى التنفس
    5. العيوب الخلقية
    6. العدوى
    7. نوبات صرع
    8. نقص سكر الدم

    - أشهر الحالات المرضية اللى بيتم علاجها فى الحضّانات:
    1. الأنيميا
    2. مشاكل التنفس "تأخر التنفس عند الولادة، او أمراض الرئة المزمنة"
    3. الصفراء
    4. فتأ فى الحجاب الحاجز
    5. الالتهاب الرئوى
    6. تسمم الدم
    7. التهاب معوى ناخر



  • مين اللى هيعتنى بطفلك فى الحضّانة؟

  • الحضّانة المثالية لازم تتضمن فريق طبى قوى من:

    - طبيب حديثى الولادة: الطبيب هنا بيكون تخصصه حديثي الولادة مش الأطفال بشكل عام "متخصص أكتر"
    - فريق تمريض قوى "بيعتبروا من أقوى فرق التمريض ومدربين بشكل ممتاز"
    - معالجين لمشاكل التنفس
    - متخصصين فى التغذية
    - استشاريين فيما يخص الرضاعة
    - صيادله
    - عمال


Image Ads

التعليقات

fff