اتصل بنا

المراره وامراضها

gallbladder-diseases

المرارة عبارة عن جيب صغير بيقع تحت الكبد وهى ممتلئة بالعصارة ممكن يصل لحجمها لحجم حبة كمثرى صغيرة تقريبا حوالى 10 سم.

المرارة مسئولة عن تخزين وإفراز العصارة الصفراوية "بيصنعها الكبد" واللى بيتم إفرازها وخروجها عن طريق قنوات مرارية عشان توصل للأمعاء وهى مسئولة عن هضم المواد الدهنية، غير أنها مهمة فى عملية إمتصاص الجسم لبعض الفيتامينات المهمة زى فيتامين A-K- D-E.

المشكلات الصحية:

- الحصوات المرارية:

وهى أشهر مشكلات المرارة، فعملية تكوين الحصوات فى الغالب بتكون عملية بطيئة ومش بتسبب أعراض وهى أكتر من نوع أشهرها حصوات الكوليسترول.
حجم الحصوات بيختلف حسب قطرها، ممكن يكون من ملليمترات قليلة لعدة سنتيمترات.
70% بتكون حصوات كوليسترول، 30% حصوات صبغية "أسود و بني" وفيه المختلطة ما بين النوعين.
السبب وراء تكون الحصوات مش واضح بالكامل لكن قد يكون بسبب:

  • زيادة إفراز الكبد للكوليسترول

  • المرارة غير قادرة على إفراز العصارة بشكل طبيعى

  • الخلايا المبطنة للمرارة غير قادرة على امتصاص الكوليسترول والدهون

  • الحصوات السوداء ممكن بسبب الانيميا الناتجة عن مشكلات تكسير كرات الدم الحمراء

  • الحصوات البنية سببها ممكن يكون معتمد على وجود عدوى وبتحتوى على كالسيوم وكوليسترول أكتر من الحصوات السوداء

التهاب المرارة الحاد والمزمن:

- عوامل الخطر:

  • عوامل الخطر فى السيدات:
  • - هى أكثر حدوثاً فى السيدات بشكل عام
    - السن الاكبر
    - مع الحمل
    - مع العلاج الهرمونى
    - مع العلاج الهرمونى

  • عوامل الخطر فى الرجال:
  • - بشكل عام أقل وفى سن أكبر من السيدات لكن بتكون بأعراض أشد ومضاعفات أكتر.

  • عوامل الخطر فى الاطفال:
  • - هى نادرة فى الاطفال
    - مع مشكلات تكسير الدم
    - خلل فى الجهاز المناعى

  • عوامل أخرى:
  • - السمنة
    - وراثة
    - مرض السكر
    - زيادة كوليسترول الدم
    - تليف الكبد

الأعراض:

حوالى 90% من الحصوات ممكن مينتجش عنها أعراض.

- المغص المرارى:
هو أشهر عرض لمشكلات المرارة وبيكون ألم متقطع وبيحصل فى أعلى الجزء الاأيمن من البطن وممكن يسمّع فى الكتف الأيمن.
بعض الصفات والأعراض المصاحبة:

  • بيظهر بعد الأكل خصوصاً فى حالة الأكل الدسم واللى بيحتوى على نسب عالية من الدهون
  • الغثيان والقئ
  • المسكنات مش قادرة على الألم
  • غالباً الألم بيختفى بعد ساعة
  • مشكلات فى الهضم زى إحساس بالامتلاء، حرقة المعدة، ارتجاع

- أعراض التهاب المرارة الحاد:
فى 1-3% من الاشخاص اللى مبيحصلش معاهم أعراض للحصوات المرارية ممكن يكون العرض الأول هو حدوث التهاب المرارة.

  • ألم قوى ومستمر فى أعلى الجانب الأيمن من البطن
  • الألم بيسمع فى الظهر
  • تلت المرضى ممكن يعانوا من حمى ورعشة
  • ممكن يحصل قئ وغثيان

- أعراض التهاب المرارة المزمن:
الالتهاب المزمن ممكن ينتج عنه تندب وتصلب للمرارة

  • انتفاخ وغازات
  • عسر هضم
  • إسهال مزمن

- أعراض حصوات القناة المرارية:

  • غمقان البول وتحول لون البراز للأبيض
  • حمى، رعشة، غثيان وقئ، مغص مرارى

المضاعفات:

- العدوى:
هى أخطر مضاعفات التهاب وحصوات المرارة واللى ممكن تسبب:

  • خراج وصديد قد يصل الى غرغرينة فى المرارة
  • ثقب فى المرارة وهى حالة خطيرة ويلزمها التدخل الطبى السريع
  • حدوث ناسور بين المرارة والأمعاء او الأعضاء القريبة
  • إنسداد للأمعاء "خطير"
  • انتشار العدوى للأمعاء والأعضاء القريبة
  • التهاب البنكرياس

- سرطان المرارة:
بالرغم من ندرته الا أن 80% من مرضى سرطان المرارة بيعانوا من حصوات مرارية فى المقام الاول.

التشخيص:

أهم تحدى فى التشخيص هو معرفة أن السبب وراء الألم أو المغص ده هو المرارة، واستبعاد الأسباب الاخرى. وده بعد الفحوصات اللى بنلجألها طبعاً مع الكشف على المريض واللى له دور كبير جداً فى التشخيص.

  • نسبة البليروبين
  • وظائف الكبد
  • الاشعة والسونار وغيره

العلاج:

بيعتمد على عدة استراجيات بيختار بينها الطبيب بالتشاور مع المريض وخلينا نقولكم بشكل مبسط خطط العلاج المختلفة.

  • Wait and see:
  • والطريقة دى بتكون فى المرضى اللى مش بيعانوا من أعراض والحصوات بتكون صغيرة فى الحجم، والفكرة هنا اننا نحط المريض تحت المتابعة فقط.

  • الحصوات المسببة لأعراض:
  • بيتم حجز المريض فى المستشفى وبيحقن بالمسكنات وبيتم تجهيزه وتحديد ميعاد عملية استئصال المرارة.

  • التهاب المرارة الحاد:
  • المريض بيصوم وبيمشى على محاليل مغذيه
    مسكنات قوية فى الوريد
    مضادات حيوية قوية فى الوريد

  • قنيات تفتيت الحصوات:
  • هنا بيحددها عوامل كتير وممكن ماتكونش كافية.

  • استئصال المرارة:
  • اللى ممكن يكون جراحياً او بالمنظار، وده بيكون فى المرضى اللى بيعانوا من أعراض شديدة أو وجود مضاعفات.

Image Ads

التعليقات

fff