اتصل بنا

إدخال الطعام للطفل الرضيع

heart
أول غذاء بيتعامل معاه الطفل هو اللبن واللى بيفضل على مدار شهور هو غذاؤه المفضل والوحيد.
طول فترة 4 شهور فى عمر طفلك كل اللى بيحتاجه فى نموه وغذائه بيكون متوفر فى اللبن "سواء الطبيعى أو الصناعى" لكن بداية من 4 شهور أو 6 الطفل بيكون مستعد لاستقبال الأكل واحتياجاته للنمو زادت.
مرحلة جديدة بتدخليها أنتى وطفلك وأكيد بتبقى ليكى أسئلة كتيرة .. اسمحيلنا نجاوبك عليها.

ايه هو السن المناسب لشرب طفلى المياه؟
منظمة الصحة العالمية هى اللى هتجاوبلك على السؤال ده وبتقولك الأفضل أنك ماتدخليش الميه لطفلك قبل 6 شهور حتى فى الأيام الحر وده لأن اللبن فيه حوالى 80% ميه، يعنى لو عطشان يكفى أنك ترضعيه.
الميه ممكن تملى بطنه وتخليه يرضع أقل وكده مش مفيد له وكمان الميه ممكن ماتكونش نضيفة تماماً خلى بالك طفلك كائن رقيق جداً ممكن يتأثر من أى حاجة.

طيب ليه بندخل الأكل على 4 شهور؟
فى العمر ده بيكون الطفل كون القدرة على دفع الأكل بلسانه للفم وبقى عنده التناسق الحركى عشان يقدر يبلع الأكل.

طيب ازاى أبدأ؟
أختارى وقت طفلك يكون جعان فيه عشان يستقبل الأكل بدون رفض.
أبدأى بشكل بسيط دخلى مكوّن واحد من غير سكر أو ملح وماتدخليش مكون تانى قبل 3 ل 5 أيام.
وفى خلال الفترة دى لو طفلك بيعانى من حساسية للمكون ده هيظهر أعراض زى إسهال أو طفح جلدى أو غيره،لأن لو دخلتى أكتر من مكون فى نفس الوقت وحصل حساسية مش هتقدرى تعرفى أنهى مكون اللى طفلك حساس منه.
أبدأى بالمكونات الغذائية المهمة: الزنك والحديد من الحاجات اللى بيزيد احتياج طفلك ليها فى الفترة دى. ومن الأغذية الغنية بيهم اللحم المهروس، القمح، الفول، الحبوب المدعمة بالحديد.
الخضار والفاكهة: كملى فى أنك تدخلى مكون واحد فى المرة بنفس النظام ويكون الخضار أو الفاكهة مهروسين.
عند سن 8 ل 10 شهور طفلك هيقدر ياكل أكل مقطع لقطع صغيرة، يعنى تتحركى من مرحلة الطعام المهروس للأكل العادى بس متقطع لقطع صغيرة.

طب أعمل أيه لو رفض ياكل؟
ده شئ مش غريب طعم وملمس الأكل المهروس بيكون جديد على الطفل وممكن يرفضه. لو حصل ده ماتجبرهوش على الأكل سيبيه وجربى تانى بعد كام يوم.
لو اتكررت المشكلة كتير ارجعى للطبيب اتأكدى أن مفيش سبب طبى لرفضه الأكل.

طيب والعصائر؟
العصائر مش بالضرورة تكون موجودة فى غذاء الطفل، ومش مفيدةزى ثمرة الفاكهة الكاملة.
يمكن مشكلة العصائر أنها ممكن تسد شهية الطفل عن الأكل وكمان الجهاز الهضمى للطفل ممكن يواجه مشكلة هضم كمية كبيرة من السكريات "لأنه مش ناضج كفاية" وده ممكن يسبب له إسهال.
حاولى ماتدخليش العصائر لطفلك قبل 6شهور واتأكدى أن العصير من الفاكهة 100% واعمليه بنفسك فى البيت عشان تضمنى أنه خالى من المواد الحافظة والفاكهة أنتى مختاراها بنفسك.
وبلاش تقدميله كمية كبيرة من العصير فى اليوم الواحد.

طيب ايه الأكل اللى أبعد عنه؟
ابعدى عن لبن الأبقار لحد مايكمل عمر سنة، لبن الأبقار مش مصدر جيد للحديد وممكن يسبب عبء على الجهاز الهضمى لطفلك ويصعب عليه هضمه. كمان طفلك ممكن يكون حساس ضده أو أن اللبن مايكونش معقم بشكل كافى ويسبب مشاكل صحية لطفلك.
ماتقدميش لطفلك أكل ممكن يسبب له الاختناق يعنى ماتقدميش قطع كبيرة من اللحم أو الخضار وحاولى أنك تقطعيه لقطع طفلك يقدر يتعامل معاها.
أبعدى عن الأكل اللى طفلك كوّن حساسية منه.

ايه هى حساسية الأكل؟
كتير من الاطفال جسمهم بيكوّن حساسية ضد بعض أنواع الطعام وبيكوّن ضدهم رد فعل غير طبيعى وبيعتبر أنهم أجسام غريبة مضرة، والجهاز المناعى بيبدأ يتعامل معاهم على هذا الأساس.يعنى يكوّنأجسام مضادة ويطلق فى الجسم مختلف من المواد فى الدم زى الهيستامين وغيره واللى بتسبب مختلف الأعراض.
أشهر الأطعمة على مستوى العالم اللى ممكن تسبب حساسية هى: الألبان؛ البيض؛ السمك؛ الفول السودانى أو بعض المكسرات؛ القمح؛ الصويا


ايه أعراض حساسية الأكل؟
الأعراض بتتراوح من أعراض بسيطة لأعراض خطيرة، يمكن بتختلف باختلاف كمية الأكل اللى تناولها طفلك أو مقدار حساسية جسم الطفل لنوع الطعام ده.
الأعراض:
- إحساس بالحكة حول الفم
- طفح جلدى
- ضيق فى التنفس أو تزييق فى الصدر
- إسهال
- ورم فى اللسان أو الشفتين
- مغص
- شحوب فى الوجه و ضعف فى النبض
- الكحة
- فقد الوعى
ممكن الأعراض تكون بخطورة تتطلب التدخل الطبى السريع جداً وهنا بيحصل أن الدورة الدموية بتعانى من هبوط حاد وممكن مصاحب بتورم فى الحنجرة ممكن يؤدى للاختناق وكل ده خطير جداً.
معظم أعراض حساسية الأكل بتظهر فى خلال ساعتين من تناول الأكل لكن فى حالات نادرة الأعراض ممكن تظهر بعد 6 ساعات أو أكتر.

وايه الحل؟
- الحل الوحيد هو أنك تبعدى عن طفلك أى نوع من أنواع الأطعمة اللى عنده حساسية منها.
- لو بتأكليه أى أطعمة معلبة أو من السوبر ماركت راجعى بطاقات الطعام واتأكدى أن اللى هتقدميه لطفلك خالى من أى مكون يسبب له الحساسية.
- يمكن كلمة "ابعدى"أسهل من الواقع، لأن مش دايماً هتلاقى أسماء المكونات بالمصطلح اللى تعرفيه وممكن يكون مذكور بإسم تانى وهنا مساعدة الطبيب واستشارته هتفيدك.
- بعض أنواع الحساسية ضد الطعام ممكن تختفى مع السن والطفل يقدر يتناول الأطعمة عادى.
- لو حصل حساسية بسيطة ارجعى للطبيب وممكن يوصفلك بعض مضادات الحساسية وهيفهمك أكتر عن الموضوع ويحط معاكى خطة للأكل.
- بعض المؤسسات البحثية بتوصى أنك تأخرى دخول الأطعمة المشهور عنها انها بتسبب حساسية "الألبان، البيض...." مش قبل سنة عشان تقدميها لطفلك، والسمك والفول السودانى بعد 3 سنين.
- نرجع نأكد ألبان الأبقار ما يفضلش أنك تدخليها لطفلك قبل ما يكمل سنة.

وايه الحل؟
- الحل الوحيد هو أنك تبعدى عن طفلك أى نوع من أنواع الأطعمة اللى عنده حساسية منها.
- لو بتأكليه أى أطعمة معلبة أو من السوبر ماركت راجعى بطاقات الطعام واتأكدى أن اللى هتقدميه لطفلك خالى من أى مكون يسبب له الحساسية.
- يمكن كلمة "ابعدى"أسهل من الواقع، لأن مش دايماً هتلاقى أسماء المكونات بالمصطلح اللى تعرفيه وممكن يكون مذكور بإسم تانى وهنا مساعدة الطبيب واستشارته هتفيدك.
- بعض أنواع الحساسية ضد الطعام ممكن تختفى مع السن والطفل يقدر يتناول الأطعمة عادى.
- لو حصل حساسية بسيطة ارجعى للطبيب وممكن يوصفلك بعض مضادات الحساسية وهيفهمك أكتر عن الموضوع ويحط معاكى خطة للأكل.
- بعض المؤسسات البحثية بتوصى أنك تأخرى دخول الأطعمة المشهور عنها انها بتسبب حساسية "الألبان، البيض...." مش قبل سنة عشان تقدميها لطفلك، والسمك والفول السودانى بعد 3 سنين.
- نرجع نأكد ألبان الأبقار ما يفضلش أنك تدخليها لطفلك قبل ما يكمل سنة.

حساسية الألبان:
لو طفلك رضيع وبيعانى من حساسية لبعض أنواع الألبان فالحل بيكون اماأنه يعتمدعلى الرضاعة الطبيعية لوممكن، أوفيه بعض منتجات ألبان مخصوص ةللأطفال بتكون خاليةمن المواد اللى ممكن تسببله الحساسية.
نقطةمهمة، فيه نوع تانى طفلك فيه ممكن يحصله إسهال وإنتفاخ بعد تناول اللبن بس مش حساسية، ده بيكون سببه عدم قدرة الجهاز الهضمى على هضم اللبن أوالسكراللى فى اللبن lactose intolerance برده فيهب دائل للبن للنوع ده من المشاكل.
وأكيد مع استشارة الطبيب هيقدر يحدد اذا كانت حساسية أو النوع التانى وهيحددلك ازاى تتعاملى مع الحاله دى.

فى النهاية: أكيد بننصح أن أى طعام بتقدميه لطفلك تكونى أنتى اللى محضراه فى البيت عشان تبقى واثقة أنه مش مٌضاف عليه أى مادة ضارة أو مش مفيدة.وطبعا عشان تكون ضامنة نظافتها.

Image Ads

التعليقات

fff