اتصل بنا

أضرار القلق وازاى تتغلب عليه

heart

القلق هو مرض العصر، لكن المشكلةأنه مش بس بيضر بسعادتك ويخليك مش قادر تستمتع بحياتك كما ينبغى، لكن كمان هو عبء وحمل على جسمك وممكن يسببله عدد من الأمراض.

وده اللى هنتكلم عنه فى السطور الجاية .. معلومات عن أشهر الأمراض اللى بيسببها التوتر والقلق:

  1. أمراض القلب

    الباحثون وجدوا أن الأشخاص اللى بيضعوا نفسهم فى حالة التوتر والقلق كتير بيكونوا أكثر عرضه للأصابه بارتفاع ضغط الدم.
    ازاى التوتر بيسبب كده؟ دا لسه متمش التوصل ليه؛ لكن يمكن بشكل مباشر بيسبب زيادة فى ضربات القلب وزيادة فى نسبة الكوليسترول فى الدم.
    أو يمكن لأن مع التوتر بيلجأ بعض الناس للتدخين أو الأكل والسمنه والعوامل دى بشكل غير مباشر هتسبب مختلف أمراض القلب. كمان التعرض لأزمات نفسيه مفاجأه ممكن يزود التعرض لنوبات الذبحه الصدريه وغيرها، وعشان كده بنأكد أن مرضى القلب لازم يبعدوا نفسهم عن أى توتر.

  2. الربو الشعبى

    يمكن اختلفت التفسيرات فيه؛ بعض الأبحاث بتقول أن السبب هو مع التوتر بيتم افراز الهيستامين وهى مادة بتسبب ضيق فى الممرات الهوائيه وتحفز حدوث نوبات الر بو.
    لدرجة أنهم بيرجحوا أن لو فيه أحد الاباء دايماً فى توتر وقلق والقلق ده وصل للأبناء ممكن يسبب زيادة نسبة إصابتهم بالربو الشعبى.

  3. السمنه

    من أخطرأنواع السمنة هى اللى بيكون فيها الدهون متراكمه فى منطقة البطن؛ففى حالات التوتر بيتم افراز هرمون الكورتيزول بنسب عاليه واللى بيسبب تراكم الدهون فى منطقة البطن!
    كمان للأسف فيه بعض الأشخاص مع التوتر بيلجأوا للأكل الكتير وطبعاً ده مع حالات الاكتئاب والتوتر الشديد ممكن يؤدى للسمنة.

  4. مرض السكرى

    التوتر ممكن يؤدى لسوء حالة مريض السكر بطريقتين: الأولى أنه بيزود العادات السيئه زى الأكل —زياده نسبة السكر الداخل للجسم فى الأكل— وقلة الحركه والتمارين.
    كمان زى ماقولنا مع التوتر بيزيد افراز هرمون الكورتيزول واللى بيعمل على زيادة السكر فى الدم وبالتالى بيؤدىلسوء الحاله.

  5. الصداع

    طبعاً من أشهر أسباب الصداع هو التوتر والقلق خصوصاً للبنات لدرجة أننا نقدر نعتبر نوع اسمه Tension headache—يعنى صداع التوتر —أشهر سبب للصداع على الاطلاق،كمان التوتر بيزود نسبه الاصابه أو زياده نوبات الصداع النصفى.

  6. المشاكل النفسية والأكتئاب

    الدراسات أثبتت أن الناس اللى بيعانوا من مشاكل أو توتر بسبب شغلهم أكتر عرضه للأصابه بالأكتئاب بنسبة 80% عن باقى الناس!

  7. مشاكل الجهاز الهضمى

    التوتر بيؤدى لسوء بعض مشكلات الجهاز الهضمى زى تقرحات المعده، ارتجاع المرئ ومش هننسى بالتأكيد القولون العصبى. كمان التوتر ممكن يسبب بعض حالات عسر الهضم.

  8. الألزهايمر

    بعض الدراسات بتثبت أن التوتر بيسرع تطور مرض الألزهايمر وان كل ما ابتعد الأنسان عن التوتر ده بيبطء حدوث المرض أو تطوره.

  9. تسريع الشيخوخه

    دراسه اتعملت على مجموعتين من الامهات المجموعه الأولى فى عُرضة للتوتر بالأهتمام بأطفال بيعانوا من أمراض مزمنه والمجموعه التانيه مش معرضين للتوتر، وُجد أن فعلاً فيه تغير حصل فى الكرموسومات بيسرع عمليه العجز والشيخوخه!
    كمان أُثبت أن التوتر بيزود العمر —عمر خلايا جسمك— من 7-9 سنين

  10. الموت المبكر

    وجد ان الناس اللى حياتهم عبارة عن حاله من التوتر والقلق المتواصل بيموتوا فى المتوسط فى سن مبكر اكتر من الأشخاص الاخرين بنسبة تصل لـ 63%.

مقاومة التوتر والقلق قادرةتحميك من كل المشكلات الصحيه دى أو تحسن حالتها وتقلل الاضرار الناتجه منها، عشان كده اسمحولنا نقدملكم بعض الأقتراحات اللى ممكن تساعدكم تواجهوا التوتر والقلق:

  1. اتنفس بعمق

    لو اخدت نفس عميق ده بيساعد علىمنع التوتر من الحاق أضرار بالجسم.
    مع كل نفس عميق بتاخده هتحس ان فيه مجموعه من عضلات جسمك اصبحت أكتر راحه أو اهدى، كرر العمليه لحد ماتحس أن جسمك كله دخل فى حالة من الأسترخاء.
    المفيد فى الفكرة دى انك تقدر تعملها فى أى وقت و فى أى مكان والنتيجه فعاله جداً.

  2. 2. ركز على اللحظة الحالية

    يمكن مع التوتر بتلاقى نفسك بتفتكر لحظات من الماضى أو بتفكر فى المستقبل وبتقول ايه اللى هيحصل بعد كده أو ندمان على حاجه حصلت فى الماضى!
    أنت ممكن توقف توترك ده لو ركزت على اللحظه الحاليه، ركز على الخطوة اللى بتقوم بيها دلوقتى عشان تنجح أو حتى عشان توقف التفكير ركز فى اللى بتعمله فى الوقت الحالى يعنى لو كنت بتمشى ركز مع حركات رجلك ولو كنت بتاكل مثلاً ركز فى شكل الأكل وفى طعمهده هيساعدك تشتت تفكيرك بعيد عن التوتر والقلق.

  3. عيد صياغة الموقف

    يعنى المقصود بص على الجانب الأيجابى لكل موقف.
    يعنى مثلاً لو لقيت نفسك واقف فى ازمة مرور بدل ماتبص للموقف انه تضييع وقت ومفيش منه حل حاول تستغل الوقت فى شئ مفيد، وأنت فى العربيه فيه كتب بتبقى معموله على هيئه أشرطه صوتيه يعنى تقدر تقرا كتاب وأنت فى عربيتك.

  4. أفتكر النعم اللى عندك

    معروف ان كل شئ سلبى بيجذب باقى الأشياء السلبيه معاه ويزود معاناتنا.
    ده معناه أننا لما بنبقى متوترين بنفتكر كل شئ أو موقف سلبى حصل معانا وده بيزود التوتر والقلق وهكذا.
    عشان كده حاول لو لقيت نفسك متوتر تقطع حبل الأفكار السلبيه وأفتكر نعم ربنا اللى أنعمعليك بيها، ده هيدخلك فى مود ايجابى اكتر.
    مع كل الطرق دى حاول تمارس الرياضه، التأمل واليوجا .. كل ده هيساعد بشكل كبير فى خلق جو لنفسك هادى ويخليك اكتر قدرة على الأبداع، الأبتكار والانتاج.

Image Ads

التعليقات

fff